RCD / NOVAS

Resultados en #ANOSACANTEIRA hoxe sábado e calendario para mañá domingo

17/04/2021 21:22

O inicio da segunda fase para o Xuvenil B e das competicións de fútbol oito para alevíns e benxamíns branquiazuis son o máis destacado da fin de semana en #ANOSACANTEIRA, nunha xornada que se abriu onte venres 16 en Abegondo con dous partidos e dous triunfos: o Cadete A ante o Ural Español CF (3-1) de División de Honra; e o Alevín de fútbol once fronte ao Imperátor OAR A, sendo este último o equipo local (0-14), na Primeira Autonómica A Coruña.

O Xuvenil B arrincou o Grupo de Ascenso como campión do subgrupo A de a Primeira Fase da liga Nacional. O formato de competición é de liga a unha volta na que os dous primeiros ascenderán á División de Honra.

Os rivais do conxunto que preparan Alejandro Antón e Aldo Duscher serán o cinco primeiros clasificados do subgrupo B: Arosa SC, RC Celta B, Coruxo FC, CD Areosa, Alondras CF e ED Val Miñor B. O primeiro partido foi hoxe sábado 17 de abril fronte ao ED Val Miñor B, saldado con vitoria deportivista (3-0), con dobrete goleador de Hugo Baldomar.

Tamén iniciaron a competición de fútbol oito os alevíns e benxamíns do club. O formato de competición é de liga a dobre volta.

En canto ás demais categorías, un Fabril sen marxe de erro recibe en Abegondo ao Rápido de Bouzas mañá domingo 18 ás 12:00.

Juan Carlos Valerón citou a todo o seu cadro, como é costume nos partidos en Abegondo. O técnico fabrilista recupera ao meta Alberto pero segue sen poder contar co outro porteiro, Pablo Brea, do mesmo xeito que Yuste. Ambos están lesionados. Por contra entran na citación os xuvenís Juan Rodríguez, Yeramay, Brais e Guille Bueno.

Tamén compiten en Abegondo ademais do citado Xuvenil B, o Infantil A hoxe sábado (3-1 ante o Victoria CF); e o Xuvenil A mañá domingo (11:30 ante o Bansander). E lonxe da Cidade Deportiva, o Deportivo ABANCA B visita ao CDE Racing Féminas (mañá domingo ás 12:00 en Santander); o Cadete B ao SCD Milagrosa (mañá domingo ás 12:00 en Lugo); e o Infantil B ao CD Calasanz B (1-4 hoxe sábado na Leyma).

O calendario de partidos, cos resultados dos xa xogados, é o seguinte:

Terceira División
Grupo play off de ascenso, 3ª xornada: FABRIL - RÁPIDO DE BOUZAS, o domingo 18 de abril ás 16:15 en Abegondo

Categoría feminina
Primeira Nacional, segunda fase, grupo 1C, 2ª xornada: CDE RACING FÉMINAS - DEPORTIVO ABANCA B, o domingo 18 de abril ás 12:00 no Municipal de Santa Ana (Santander)

Categoría xuvenil
División de Honra, segunda fase, grupo 1C, 2ª xornada: XUVENIL A - BANSANDER, o domingo 18 de abril ás 11:30 en Abegondo

Liga Nacional, segunda fase, grupo C de ascenso, 1ª xornada: XUVENIL B 3 (Diego Gómez e Hugo Baldomar -2-) - ED VAL MIÑOR B 0

Categoría cadete
División de Honra, subgrupo D, 5ª xornada: CADETE A 3 (Carreira, Álex Delgado e Ogando) - URAL ESPAÑOL CF 1

Liga Galega, subgrupo A norte, 5ª xornada: SCD MILAGROSA - CADETE B, o domingo 18 de abril ás 12:00 no campo Luis Gorgoso (Lugo)

Categoría infantil
Liga Galega, subgrupo B norte, 5ª xornada: INFANTIL A 3 (Dani, Miguel e Rubén) - VICTORIA CF 1

Primeira Autonómica A Coruña, grupo A, 2ª xornada: CD CALASANZ B 1 - INFANTIL B 4 (Paulo -3- e Yago Trigo)

Categoría alevín
Primeira Autonómica A Coruña de fútbol once, grupo A, 2ª xornada: IMPERÁTOR OAR A 0 - ALEVÍN 14 (Paulo -5-, Alberto -3-, Joaquín -3-, Ander, Íker e Sergio)

Primeira Autonómica A Coruña, grupo A, 1ª xornada: CF DEPORTIVO ORZÁN A 0 - ALEVÍN A 11 (Sergio -3-, Gael -2-, Íker -3-, Uxío, Alberto e Mauro)

Primeira Autonómica A Coruña, grupo B, 1ª xornada: FABRIL FC ALEVÍN 11 (Martín Forján -4-, Lucas Vázquez -2-, Iago Lameiro -2-, Pablo Vara, Raúl e Gabi) - IMPERÁTOR OAR C 0

Categoría benjamín
Primeira Autonómica A Coruña, grupo A, 2ª xornada: BENXAMÍN A 13 (Mateo -4-, Yael -4-, Hugo -3- e Nico -2-) - CD CALASANZ C 0

Primeira Autonómica A Coruña, grupo C, 2ª xornada: CF DEPORTIVO ORZÁN A 1 - FABRIL FC BENXAMÍN 11 (Jorge -3-, Dani -3-, Javi -2-, Álvaro -2- e Martín)