A Semana Santa provocou que unicamente 3 equipos de #ANOSACANTEIRA tivesen partido oficial durante estes días: Deportivo ABANCA B, Fabril e Xuvenil A.
Para esta fin de semana quedan dous partidos, ambos lonxe de Abegondo: hoxe sábado 31, o Xuvenil A superou (0-2) ao CD Roces en Xixón.
E mañá domingo 1 de abril, a Fabril visita á Ximnástica Segoviana, ás 18:00 no Estadio Municipal de La Albuera.
Gustavo Munúa levou a estes futbolistas: Francis, Ricardo, Blas, Raúl González, Gaizka, Quique Fornos, One, Diego Caballo, Carlos López, Queijeiro, Romay, Bicho, Edu Expósito, Uxío, Jardel, Luís Fernández, Borja Galán e Óscar.
O primeiro dos partidos xogouse o pasado martes 27 de marzo. Foi o partido entre as Viaxes InterRías FF e o Deportivo ABANCA B pertencente á 18ª xornada na Primeira Autonómica Feminina, que foi suspendido o pasado 28 de xaneiro ao descanso polo colexiado Francisco Javier Raposo Barcia debido á confusión coas camisetas de ambos os equipos.
Completouse no campo da Lanzada o partido na segunda metade con 0-1 no marcador, tanto logrado por Carlota. E finalizou cun 1-3 que asenta ao Deportivo ABANCA B na segunda praza da liga, só superado polo Valladares. Carlota de novo e Ari redondearon o marcador.
Os demais equipos da canteira teñen descanso, aínda que case todos con torneos amigables.
O calendario de partidos, cos resultados dos xa xogados, é o seguinte:
Segunda División B
32ª xornada: XIMNÁSTICA SEGOVIANA - FABRIL, o domingo 1 de abril ás 18:00 no Campo Municipal de La Albuera (Segovia)
Categoría feminina
18ª xornada: VIAXES INTERRÍAS 1 - DEPORTIVO ABANCA B 3 (Carlota -2- e Ari)
Categoría xuvenil
29ª xornada: CD ROCES 0 - XUVENIL A 2 (Ortuño e un futbolista rival en propia meta)
