Dous equipos de #ANOSACANTEIRA, Fabril e Deportivo ABANCA B, arrancan esta fin de semana a competición en Terceira División e Primeira Nacional respectivamente.
O Fabril comeza o subgrupo A da Terceira División mañá domingo 18 de outubro no campo Alcalde Manuel Candocia das Somozas (17:30 horas). O filial retomou onte venres os adestramentos interrompidos desde o mércores debido ao positivo en COVID-19 detectado nun dos compoñentes do cadro. Tanto esa persoa como os seus contactos estreitos están illados seguindo a normativa sanitaria. Todos os demais integrantes do cadro deron negativo nas probas realizadas o mesmo mércores.
Nesta primeira xornada, o Fabril estará dirixido por Óscar Gilsanz, técnico do Xuvenil A branquiazul, que citou aos seguintes xogadores: Alberto, Brea, Guerrero, Isra, David Suárez, Yuste, Juan Rodríguez, Boedo, Kanouté, Villares, Barba, Sarmiento, Álex Pérez, Rayco, Prendes, Manu Mosquera, Peke, Nájera, Sanmartín e Guedes. Caen da lista por lesión: Reinoso, Cambón, Pescador e Javi Sánchez.
Pola súa banda, no subgrupo A do grupo 1º de Primeira Nacional, o Deportivo ABANCA B recibiu en Abegondo ao Umia CF. O partido foi de clara cor branquiazul (9-0), na que é a primeira vitoria ligueira esta temporada en #ANOSACANTEIRA.
Finalmente, tiveron cita amigable de pretemporada o Xuvenil A e o Xuvenil B fronte ao Racing de Ferrol A (6-1) e Ural CF A (2-3) respectivamente. Ambos os encontros xogáronse fóra da Cidade Deportiva.
O calendario de partidos, cos resultados dos xa xogados, é o seguinte:
Terceira División
1ª xornada: UD SOMOZAS - FABRIL, o domingo 18 de outubro ás 17:30 no campo Alcalde Manuel Candocia das Somozas
Categoría feminina
1ª xornada: DEPORTIVO ABANCA B 9 (Aroa -4-, Eva Dios -2-, María Calvo -2- e Navia) - UMIA CF 0
Categoría xuvenil
Amigable: XUVENIL A 6 (Raúl, Brais, Nájera, Do Carmo -2- e Padín) - RACING DE FERROL A 1
Amigable: XUVENIL B 2 (Hugo Baldomar e Diego) - URAL CF A 3
