Recoñece que o equipo está "moi ben armado" en varias posicións: "As bandas témolas ben e os centrais son inmellorables se queda Coloccini". Pero avisa que hai "unha posición na que temos que traer un futbolista si ou si. O Presidente sabe de fútbol e o que falamos enténdeo".
Lotina tamén asegurou que ao pasar esta semana "falará con algúns futbolistas para avisarlles de que poden buscarse equipo. Pero non faremos ningunha lista pública como fixemos ata agora".
Pola súa banda, Andrés Gardado tamén se estreou na sala de prensa de Abegondo. Dixo que a súa adaptación vai "por bo camiño" aínda que recoñece que aínda "teño que practicar máis cos meus compañeiros".
