A nivel persoal, Riki rescata o seu gol, o terceiro na conta, e recoñece que é froito "da confianza que dá a continuidade".
O equipo adestrouse esta mañá no Mundo do Fútbol, nada máis aterrar no Aeroporto da Coruña. A sesión foi máis intensa para os que non actuaron de inicio ante o Real Madrid. Para os titulares onte en Chamartín houbo estiramentos e masaxe.
Mañá martes haberá xornada de descanso. O equipo volve aos adestramentos o mércores ás 10.30 no Mundo do Fútbol.