As xogadoras do Deportivo ABANCA Teresa Abelleira, María Méndez, Kika, Gaby e Michelle Romero están concentradas coas súas respectivas seleccións nacionais.
Mañá mércores 4 de marzo, os internacionais branquiazuis xogarán os seus primeiros encontros amigables.
Rusia, primeira cita para España sub-20
Teresa Abelleira e María Méndez inician mañá mércores 4 de marzo coa selección española sub-20 unha serie de partidos amigables, ademais dun torneo '3 en 1' en categoría sub-19. Todos eles na localidade murciana de San Pedro del Pinatar.
Nesta convocatoria estaba inicialmente tamén Athenea del Castillo, que se perde esta cita internacional por lesión.
As deportivistas mídense mañá a Rusia, a partir das 16:30 no Pinatar Arena Football Center.
O calendario de partidos é o seguinte:
Selección sub-20
Mércores 4 de marzo
16:30: ESPAÑA - RUSIA
Venres 6 de marzo
18:30: ESPAÑA - RUSIA
Selección sub-19
Domingo 8 de marzo
Torneo 3 en 1
ESPAÑA - ESCOCIA
ESPAÑA - BÉLXICA
Kika, Gaby e Michelle Romero enfróntanse con Venezuela a Hungría
As deportivistas Kika, Gaby e Michelle Romero están convocadas pola Directora Técnica da selección de Venezuela, a italiana Pamela Conti, nunha concentración en Antalya (Turquía).
Durante estes días están previstos 3 amigables das venezolanas, todos eles no Gold City Sport Complex, en Antalya.
O primeiro deles será mañá mércores ante Hungría ás 11:00 (hora local, 9:00 en España).
O calendario de partidos de Venezuela é o seguinte:
Mércores 4 de marzo
11:00 (hora local, 9:00 en España): HUNGRÍA - VENEZUELA
Sábado 7 de marzo
15:00 (hora local, 13:00 en España): VENEZUELA - ROMANÍA
Martes 10 de marzo
18:00 (hora local, 16:00 en España): VENEZUELA - HONG KONG
