Satisfacción coruñesa en zona mixta

Lucas, autor do primeiro tanto deportivista, o seu oitavo gol esta campaña, confesou estar "moi contento. É o primeiro derbi que gaño. A verdade é que estou moi contento. Non podo ocultar nada da satisfacción que teño, tanto eu como os meus compañeiros. Ímonos para casa moi contentos". O dianteiro deportivista tivo palabras para a presenza de tres coruñeses no once inicial: "Para min é un orgullo que os coruñeses estean aí. Faltaba Juando por unhas molestias. Desexarlle o mellor, que se recupere canto antes. E nada, agora hai que seguir, hoxe hai que gozar, que gocen do derbi, que é un orgullo para min".

 

Finalmente, Pedro Mosquera confesou que o seu primeiro derbi "foi mellor do que esperaba". queda o '5' branquiazul co "estadio cheo e a afección apoiando todo o tempo, mesmo cando non estabamos a xogar tan ben". Resaltou o papel de Alex Bergantiños, a súa parella hoxe no centro de campo ante o Celta: "Fixo moi bo partido. É un profesional. Tivo menos minutos ao principio de tempada e sempre tivo boas palabras para os que estabamos a xogar".