RCDeportivo RCDeportivo RCDeportivo
Skip to main content
GL

Scaloni anuncia que cumprirá o seu contrato co Deportivo e regresará despois ao fútbol arxentino

O capitán do Deportivo, Lionel Scaloni, quixo hoxe xoves na sala de prensa de 'O Mundo do Fútbol' ratificar as declaracións que efectuou na Cadea Ser onte mércores nas que afirmaba que o seu desexo era cumprir o seu contrato no Deportivo, que expira en

O centrocampista branquiazul asegurou que sente morriña pola súa terra, "eu son de alí e o normal é que nalgún momento queira regresar. Está a miña familia, a miña irmá que cando eu me vin para acá tiña un aniño e hoxe xa case ten dez e case non a coñezo". Iso si, advertiu Scaloni que a súa familia lle pediu que meditase esta decisión: "O meu papá e a miña mamá dinme que o pense ben, que alá na Coruña me queren moito. Pero é unha decisión que teño xa tomada".
O obxectivo de Scaloni é xogar no Deportivo _"non sairei de aquí ata que acabe o meu contrato. Como di o Presidente, os contratos están para cumprilos", apunta_ e volver ao equipo "que me deu a oportunidade de saltar a Europa, o Estudantes. Estamos a pensar facer algo bonito alí con Crespo, que tamén ten na idea volver".
Iso si, quixo descartar o capitán deportivista calquera tipo de desencontro co Consello de Administración: "A miña relación co Presidente é perfecta. De feito falamos no último partido aquí, cando el baixa ao vestiario. Eu repito que aquí estou ben pero chegou o momento de porlle punto e final, que será no 2007. E seguro que o vou a pasar mal e voume a emocionar moito", concluíu.