RCDeportivo RCDeportivo RCDeportivo
Skip to main content
GL
PORTADA

Schär adestrouse hoxe en Abegondo e mañá atenderá aos medios

Fabian Schär realizou esta mañá seu primeiro adestramento coa camiseta do Deportivo. Fíxoo en Abegondo, en solitario e a porta pechada, ás ordes do preparador físico David Gómez.

Mañá luns, o central suízo xa se adestrará pola tarde en Abegondo, ás 19:00 horas, cos seus novos compañeiros. Antes, ás 18:15 horas, comparecerá ante os medios de comunicación na sala de prensa da Cidade Deportiva.

Onte sábado, Schär presenciou no campo das Eiroas de Carballo o triunfo do Dépor ante o Bergantiños, no sexto amigable de pretemporada do equipo que prepara Pepe Mel.