Clarence Seedorf confesou na sala de prensa de Mestalla estar "moi orgulloso deste grupo, de como acabou o ano".
Na súa opinión, "o equipo competiu, non se deixou ir. O compromiso era terminar da mellor maneira e fixérono, contra grandes equipos".
O técnico holandés dixo sobre o seu futuro que "non depende de min. Deixei claro que todas as portas están abertas. Agora é o Club o que ten que decidir". Mostrouse agradecido ao Presidente "por deixarme traballar neste Club e a todos os empregados que abrazaron este proxecto de manternos en Primeira División".
