Segunda semana de pretemporada para o Dépor con sete adestramentos e o primeiro amigable
O Deportivo inicia mañá luns 19 de xullo a súa segunda semana de pretemporada.
O corpo técnico branquiazul encabezado por Borja Jiménez dispuxo até o venres 23 de xullo sete sesións de adestramento previas ao primeiro amigable do sábado 24 no campo da Magdalena de Vilalba ante o Racing Villalbés.
Todo o traballo desenvolverase en Abegondo e cada día que haxa actividade o cadro reunirase para almorzar no comedor da Cidade Deportiva ás 09:00 horas.
Será unha semana ademais na que o Dépor coñecerá o calendario ligueiro na Primeira RFEF, nun sorteo que terá lugar o martes 20 de xullo ás 12:00 na sede da Real Federación Española de Fútbol en Las Rozas (Madrid).
A planificación semanal, sempre susceptible de sufrir variación por razóns técnicas, é a seguinte:
Luns 19 de xullo
10:30 e 19:00 h.
Martes 20 de xullo
10:30 h.
Mércores 21 de xullo
10:30 e 19:00 h.
Xoves 22 de xullo
10:30 h.
Venres 23 de xullo
10:30 h.
Sábado 24 de xullo
19:00 h.: Racing Villalbés - Deportivo, na Magdalena