RCD / NOVAS

Segundo compromiso ante México mañá martes para Noelia Bermúdez e Stephannie Blanco

22/02/2021 11:28

As xogadoras do Deportivo ABANCA Noelia Bermúdez e Stephannie Blanco están concentradas coa selección de Costa Rica até o mércores 24 deste mes de febreiro.

Mañá martes 23 haberá unha nova cita ante México, ás 13:00 (hora local, 20:00 horas en España) no Centro de Alto Rendimiento de la Federación Mexicana.

O combinado 'tico' disputou no estadio Azteca o pasado sábado 20 de febreiro o primeiro dos dous partidos amigables previstos entre ambas as seleccións. As deportivistas foron titulares nun partido que caeu ao lado das mexicanas (3-1).

Noelia Bermúdez xogou os noventa minutos e Stephannie Blanco foi relevada no minuto 62 por Fabiola Villalobos.

Tanto Stephannie como Noelia Bermúdez non se perderán ningún partido co Deportivo ABANCA posto que esta fin de semana non houbo xornada na Primera Iberdrola.

A seguinte cita ligueira para o equipo de Manu Sánchez será o domingo 28 ás 12:00 ante o Rayo Vallecano na Ciudad Deportiva Fundación Rayo Vallecano, en partido aprazado no seu día e correspondente á 7ª xornada.