O deportivista Fayçal Fajr disputa mañá venres 20 de xaneiro coa súa selección, Marrocos, o seu segundo partido na Fase Final da Copa de África Gabón 2017. O seu rival será Togo, ás 20:00 (hora local) no Stade d'Oyem, na cidade de Oyem.
O partido é moi importante, posto que Marrocos caeu (1-0) ante o Congo DR no primeiro partido, xogado no mesmo Stade d'Oyem. Neste encontro, Fayçal xogou os últimos 17 minutos, cando saltou ao céspede en substitución de Romain Saïss.
O calendario de Marrocos é o seguinte:
Luns 16 de xaneiro CONGO 1 - MARROCOS 0
Venres 20 de xaneiro 20:00: MARROCOS - TOGO
Martes 24 de xaneiro 20:00: MARROCOS - COSTA DO MARFIL
Os dous primeiros de cada grupo acceden aos cuartos de final.