O primeiro equipo do Dépor acudiu esta mañá ao segundo Taller de Integridade de LaLiga que ten lugar esta temporada na Cidade Deportiva de Abegondo. Xa sen a presenza de membros do Consello de Administración e persoal directivo do Real Club Deportivo, os futbolistas, técnicos e auxiliares participaron na clase impartida por Iñaki Arbea, membro da dirección de Integridade e Seguridade de LaLiga, acompañado de Óscar Rama, Compliance Officer do Club.
Neste programa participan todos os equipos de LaLiga e a xornada de hoxe serviu para reincidir nos aspectos relacionados coa predeterminación e manipulación de resultados e as apostas deportivas.
