Media ducia de entidades sociais gozaron da bancada solidaria de Riazor no último partido disputado polo Dépor como local, neste caso o de Copa do Rei fronte ao Alavés.
Contra os vascos, as entidades beneficiarias foron Terra Solidaria, Club de Leones de A Coruña, Hogar de Sor Eusebia, Cáritas, Proxecto Social A Marola e Fundación Érguete Integración.
A Bancada Solidaria de Riazor dispón de 250 localidades que cada partido son destinadas a ONG, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 229 410.
