Semana de descanso para un Deportivo Abanca metido na pelexa polo título
O Deportivo Abanca non terá competición este fin de semana polo parón na Segunda División Nacional.
O conxunto deportivista, que xa está a só 5 puntos de distancia do líder Oviedo Moderno (52 as ovetenses por 47 as coruñesas), realizará con todo 4 sesións de adestramento esta semana:
Luns 27 de febreiro 20:30: Adestramento en Ponte dos Brozos (Arteixo)
Mércores 1 de marzo 20:30: Adestramento en Abegondo
Xoves 2 de marzo 20:30: Adestramento en Ponte dos Brozos (Arteixo)
Venres 3 de marzo 19:00: Adestramento en Abegondo
A fin de semana haberá descanso.
Na próxima xornada (a número 21), prevista para o domingo 12 de marzo, o Deportivo Abanca visita ao Gijón FF.