Semana grande para o novo Dépor, que se estreará en ABANCA-RIAZOR con motivo do Trofeo Teresa Herrera
O primeiro equipo encara desde mañá luns 2 de agosto a semana grande da pretemporada.
O cadro de Borja Jiménez sobe un banzo o nivel de esixencia nesta pretemporada coa disputa de dous amigables ante dous rivais de maior categoría que os anteriores, ambos de Tercera RFEF: Bergantiños CF (Segunda RFEF) o mércores 4 en Carballo; e SD Ponferradina (Segunda División) o domingo 8 en ABANCA-RIAZOR con motivo da LXXVI edición do Trofeo Teresa Herrera.
Así pois, o Deportivo regresa a #ANOSACASA despois do último partido ligueiro, o do pasado 2 de maio ante a UP Langreo na penúltima xornada de competición.
Será ademais o 'bautismo' en ABANCA-RIAZOR para moitos dos futbolistas recentemente incorporados ao cadro branquiazul.
Están previstas ademais cinco sesións de traballo, catro delas en Abegondo. Como sempre que haxa actividade na Cidade Deportiva, o cadro está citado ás 9:00 para almorzar no comedor da instalación branquiazul.
A planificación semanal, sempre susceptible de sufrir variación por razóns técnicas, é a seguinte:
Luns 2 de agosto 10:30 h en Abegondo
Martes 3 de agosto 10:30 h en Abegondo
Mércores 4 de agosto 19:00: Bergantiños CF - Deportivo, nas Eiroas
Xoves 5 de agosto 19:00 h. en ABANCA-RIAZOR (a porta pechada)
Venres 6 de agosto 10:30 h en Abegondo
Sábado 7 de agosto 10:30 h en Abegondo
Domingo 8 de agosto 20:00: Deportivo - SD Ponferradina, en ABANCA-RIAZOR