Semana sen fútbol ligueiro pero con catro adestramentos para o Dépor ABANCA
O Deportivo ABANCA inicia mañá mércores 17 de febreiro unha semana sen fútbol na Primera Iberdrola. A seguinte cita para o equipo de Manu Sánchez será o domingo 28 ante o Rayo Vallecano en Vallecas, en partido aprazado e correspondente á 7ª xornada.
Para esta cita ligueira será baixa segura Noelia Villegas, expulsada o pasado domingo ante o Real Betis. Por contra, si poderán xogar Stephannie Blanco e Noelia Bermúdez, que durante esta semana e até o mércores 24 de febreiro permanecerán concentradas con Costa Rica.
A pesar de que non hai competición, o técnico deportivista dispuxo catro sesións de adestramento até o sábado 20 de febreiro, todas elas en Abegondo.
A planificación semanal, sempre susceptilble de sufrir variación por razóns técnicas, é a seguinte: