Sergio: En Valencia veranse dous equipos que corren e presionan moitísimo
Sergio González estivo a piques de marcar o pasado sábado ante o Atlético en dous bos disparos desde a frontal da área. O primeiro disparo estrelouse na cruceta da portaría de Leo Franco, e o segundo, minutos despois, tamén foi abortado pola meta colc
Recoñece o pivote deportivista que o equipo está "moi ben
fisicamente e hai que aproveitalo", aínda que advirte do perigo da
Valencia, un conxunto "moi serio e moi ben estruturado. Iremos coa mente
posta en non encaixar ningún gol e a partir de aí aproveitar as nosas
oportunidades. En Valencia verase a dous equipos que presionan e corren
muchisimo", vaticina Sergio.
Ademais, encomiou o deportivista á parella que terán enfronte o
sábado en Mestalla: Albelda-Baralla. "Son dous grandes futbolistas pero tanto
Duscher como eu queremos demostrar que tamén o podemos facer ben", apunta.
"Facer esquecer a Mauro Silva é imposible porque sempre estará presente na
mente do deportivismo", advirte no entanto Sergio.
Un dos futbolistas con máis participacións nas últimas
campañas do Deportivo acordouse tamén de Irureta -"fixo moito por min"-,
cre que a Aragonés "hai que respectarlle como seleccionador", aínda que recoñeza
Sergio que "el xa ten un grupo de futbolistas elixidos e confía neles", e á súa vez
reflexiona sobre a ausencia do Deportivo na presente edición da
liga de Campións: "Sinto envexa sa, pero tamén debemos valorar o que
tivemos todos -medios de comunicación, persoal, club, afección- todos
estes anos", concluíu Sergio.
