As xogadoras do Deportivo ABANCA Raquel, Jone, Nuria, María Corral, Silvia Mérida, Estefi, Malena e Cris Oreiro serán as encargadas de arbitrar mañá sábado na Cidade Deportiva de Abegondo os encontros do IV Torneo Solidario Abanca Obra Social, nesta ocasión en beneficio da Asociación Down Coruña.
Desde as 9:30 e até as 14:00 horas, dez equipos pertencentes a ABANCA, ABANCA Obra Social, Andaina, Asociación da Prensa da Coruña, Colexio de Avogados, Denodo Technologies, Emalcsa, Ferroviarios, Indra e Repsol enfrontaranse nun torneo no que o máis importante é a achega do público coa súa entrada solidaria de 5 € ou cos donativos na conta É80 2080 7208 3385 3000 7122.
A xornada, na que colaboran o RC Deportivo, Coca Cola e Cruz Vermella Española A Coruña, concluirá ás 14:30 horas coa entrega de premios aos participantes, na que estarán presentes os Conselleiros branquiazuis Enrique Calvete e Martín Pita, e un sorteo de agasallos entre o público asistente.
