Tere Abelleira, con España Sub-17, acaba o Torneo Elite sen coñecer a derrota
Tere Abelleira, esta vez non desde o inicio (saltou ao céspede no minuto 22), empatou (1-1) ante Suecia na terceira e última xornada do Torneo Elite do Campionato de Europa Sub-17, que se celebrou en Portugal desde o pasado domingo 26 de marzo.
A Selección Española clasificouse para o Campionato de Europa da categoría que se xogará na República Checa.
O pasado xoves, a capitá do Deportivo Abanca foi titular ante Islandia. Foi substituída no minuto 75 de encontro por Rosa Márquez, practicamente co partido sentenciado. Gozou Tere Abelleira dunha gran oportunidade, á media hora de xogo, cun lanzamento de falta que se foi fóra por pouco.
O martes, na primeira xornada, España goleou a Portugal (6-1), nun partido que quedou resolto na primeira metade. Tere Abelleira, tamén titular, foi relevada no descanso por Anna Torrodá.
Os resultados da Selección Española foron os seguintes: