O Deportivo Abanca achegará dúas xogadoras ás categorías inferiores da Selección Española: Tere Abelleira e Nuria Rábano. Ambas foron citadas para uns adestramentos na Ciudad del Fútbol de Las Rozas (Madrid) do luns 13 ao mércores 15 de marzo.
Tere foi convocada pola Sub-17 e Nuria Rábano pola Sub-19. As dúas xogadoras son habituais no once inicial do Deportivo Abanca esta temporada e, sen dúbida, dúas das grandes promesas do fútbol feminino español.
