O Deportivo ABANCA visita ao CD Monte, en partido da 8ª xornada no grupo 1º da Segunda División Nacional que ten previsto disputarse mañá domingo 5 de novembro ás 12:30 horas no campo municipal San Juan en Monte (Santander).
Entrou na convocatoria de Manu Sánchez Teresa Abelleira, após disputar en Albania coa Selección Española Sub-19 a Fase de Clasificación para o Torneo Elite da categoría.
Ademais da capitá, completan a lista de convocadas estas xogadoras: Anita, Malena, Patri, Nuria Rábano, Kika, Gaby, Peke, Oreiro, Laura, Silvia Mérida, Cris, Lía, Iris, Estefi e Miriam.
O Deportivo ABANCA lidera a clasificación do grupo con 21 puntos de 21 posibles, os mesmos que o Oviedo Moderno, ao que supera en golaverage xeral: +45 as deportivistas por +29 as asturianas.