Teresa Abelleira marcou dous tantos coa Selección Española Sub-19
Teresa Abelleira, capitá do Deportivo ABANCA, participa en Albania coa Selección Española Sub-19 nun Mini Torneo Elite clasificatorio para o Europeo da categoría.
O rival hoxe na primeira xornada de competición foi a anfitrioa Albania. Teresa foi titular na contundente vitoria española (0-8) e anotou dous goles, o 0-2 e o 0-4, ambos na primeira metade.
Este sábado 28, España mídese a Azerbaiján e o martes 31, a Ucraína, nos dous partidos que restan.
Teresa Abelleira será baixa estes días no Deportivo ABANCA, que o vindeiro domingo 29 de outubro ás 12:00 horas recibe en Ponte dos Brozos (Arteixo) ao CF Vimenor, na 7ª xornada do grupo 1º de Segunda División Nacional.