RCDeportivo RCDeportivo RCDeportivo
Skip to main content
GL
PORTADA

Teresa Abelleira regresa á selección española sub-19

Teresa Abelleira, capitá do Deportivo ABANCA, regresa á selección española sub-19 após participar o pasado mes de outubro nun torneo internacional en Escocia, coas seleccións clasificadas directamente á Rolda Elite do Campionato de Europa da categoría.

Nesta ocasión, a centrocampista branquiazul está citada para uns adestramentos na Cidade do Fútbol de Las Rozas (Madrid), do luns 21 ao mércores 23 de xaneiro.

Deste xeito, Teresa Abelleira colle o testemuño de Carlota, que esta semana se atopa en Tenerife para participar coa sub-17 no Torneo do Atlántico.

Ademais de ambas, outras dúas futbolistas do Deportivo ABANCA estiveron e están na órbita das categorías inferiores da selección española: Nuria Rábano e Malena Mieres.