RCDeportivo RCDeportivo RCDeportivo
Skip to main content
GL
ACTUALIDADE

Teresa, Peke e Iris clausuraron o Campus da EF Novo Mesoiro

Teresa Abelleira, Peke e Iris Arnáiz, xogadoras do Deportivo ABANCA, clausuraron este mediodía o I Campus de Tecnificación e Aprendizaxe da Escuela de Fútbol Novo Mesoiro.

A actividade, organizada por este club en colaboración coa Asociación de Veciños Novo Mesoiro, desenvolveuse ao longo de toda a semana, desde o luns 26 até hoxe xoves 29.

No campus participaron preto de 60 rapaces de entre 6 e 11 anos de idade, que hoxe tiveron a oportunidade de disputar unhas pachangas con tres xogadoras da máxima categoría do fútbol nacional, a Primera Iberdrola. Teresa xogou cos máis pequenos, de 6 e 7 anos; Peke fixo o propio cos nenos e nenas de 8 e 9 anos; mentres a Iris correspondeulle o grupo dos maiores, de 10 e 11 anos.

Para finalizar, os participantes recibiron o seu diploma de mans das xogadoras deportivistas, que debutarán na división de honra dentro de 10 días, o domingo 8 de setembro (12:00 horas) na Cidade Deportiva de Abegondo ante o RCD Espanyol.