Tino Fernández sobre Lucas: ''non hai ningún tipo de operación saída''

Sobre a ausencia de Lucas Pérez da convocatoria do partido desta noite, afirmou que "non hai ningún tipo de operación saída, a convocatoria é por motivos técnicos. Non hai ofertas, se son por escrito son ofertas, o resto son rumores. A medida que van pasando os días as operacións saída non desexadas vanse a ir complicando moitísimo porque non imos dar ningunha facilidade porque nós temos nosa propia planificación e queremos estar no máis alto".

 

Sobre outras operacións afirmou que a saída de Oriol Rise "non está feita pero si houbo clubs que mostraron o seu interese. Mentres hai mercado aberto pode pasar calquera cousa e algunha saída non desexada podería facer que houbese algunha entrada, pero a configuración actual válenos. Por Sidnei houbo chamadas pero non houbo ningunha oferta formal e a última palabra témola nós porque temos dereito de tenteo. Canto máis tarden as decisións máis difíciles ímolas a pór"

 

Na súa alocución en María Pita tamén anunciou que o Dépor Feminino adestrará e xogará en Arteixo esta tempada: "hai un problema de dispoñibilidade de campos de adestramento na cidade e para non molestar á AFAC e outros clubs buscamos unha solución e atopámola no Concello de Arteixo. Abegondo é unha instalación que xa está esixida e as horas de uso son menores en herba natural, alí tampouco era fácil atopar o encaixe para este equipo que fará algún adestramento alí. A nosa idea era que o equipo xogase e adestrase na cidade, tamén polo apoio do público, pero non puido ser".