Toché recibió esta mañana o alta médica tras completar con normalidade unha nova sesión de adestramento co grupo.
Así pois, o dianteiro deportivista está a disposición de Víctor Fernández para o partido do próximo domingo 22 de marzo en Riazor (12.00, Gol T e Canle + Liga) ante o Espanyol.
A sesión de hoxe no campo número 2 da cidade deportiva foi de recuperación para os titulares onte venres en Mestalla, con carreira continua, rondos, fut-voley, ximnasio e masaxe.
Para o resto do persoal, o adestramento foi normal, de alta intensidade, principalmente con fútbol en espazo reducido. Só Postiga está á marxe do grupo, con tratamento médico e de fisioterapia.
O equipo retoma de novo o traballo o martes 17 de marzo ás 11.00 horas. Mañá domingo e o luns haberá descanso.
O plan de adestramentos, sempre susceptible de sufrir variacións por decisións técnicas, é o seguinte:
Martes 17 de marzo
11.00: Adestramento en Abegondo
Mércores 18 de marzo
11.00: Adestramento en Abegondo
Xoves 19 de marzo
12.00: Adestramento en Riazor a porta pechada
Venres 20 de marzo
12.00: Adestramento en Riazor a porta pechada
Sábado 21 de marzo
11.00: Adestramento en Abegondo