A enfermaría do Deportivo, a día de hoxe, está baleira nunha semana transcendental, coa visita do Pontevedra CF a ABANCA-RIAZOR este domingo 7 de marzo (19:00 horas, TVG).
Rubén de la Barrera puido contar na sesión desta mañá en Abegondo con todos os seus futbolistas, ademais dos canteiráns Adri Castro e Pablo Brea.
Iso si, Miku está pendente dos adestramentos dos próximos días e do visto e prace final dos Servizos Médicos branquiazuis de cara ao choque ante o conxunto granate que prepara o ex técnico fabrilista Luisito.
Esta mañá, o adestrador deportivista dispuxo un exercicio de posesión de balón, unha tarefa táctica de ataque e, para concluír, un partido no campo 2.
Mañá mércores 3 de marzo na Cidade Deportiva, os futbolistas arrancan no campo a partir das 11:00.
