Gerard Valentín foi o protagonista na sala de prensa de Abegondo. Explicou que o seu pase ao Dépor foi "bastante rápido. Saíume a posibilidade de vir, e eu encantado".
Neste sentido, o novo lateral deportivista asegura que "eu quería vir. Cando os clubs se puxeron de acordo, eu encantado".
Admite estar "moi ilusionado. As miñas características son velocidade, son bastante ofensivo pero tento estar concentrado en defensa. E traballar".
Promete estar disposto "sempre a aprender. Estes anos aprendín de todos os meus compañeiros e adestradores. Espero seguir facéndoo aquí".
Sobre a súa acollida no vestiario, só tivo palabras de eloxio: "Son xente moi cariñosa. A verdade é que me aceptaron rápido".
Do Dépor, o seu novo club, manifestou Gerard Valentín que "é un equipo histórico, máis ou menos sabes de todo. Sabía a historia. Ao final todo seareiro sabe a historia que tivo, sobre todo nestes últimos anos. Hei ido vendo algún partido como afeccionado. Cando xa sabía que viña, informeime un pouco máis da cidade, das instalacións. Todo o mundo fala marabillas".
