Semana definitiva para o Deportivo ABANCA, que se xoga o título do grupo 1º da Segunda División Nacional co Oviedo Moderno. As deportivistas chegan á última xornada ligueira, a 26ª, con 70 puntos, por 72 as oviedistas, que teñen gañado ademais o golaverage particular en caso de empate a puntos.
O Deportivo ABANCA visita mañá domingo 22 de abril ás 12:00 horas ao CPM Friol no campo da Reigosa, e o Oviedo Moderno recibe á mesma hora no seu campo ao Sárdoma.
Así pois, as futbolistas branquiazuis teñen que gañar o seu partido e esperar a que as asturianas perdan coas viguesas.
Manu Sánchez recupera para o encontro a Gaby, após participar con Venezuela na Copa América Chile 2018. A dianteira deportivista foi titular en todos os partidos da súa selección.
O técnico deportivista citou ademais ás seguintes futbolistas: Anita, Malena, Miriam, Lía, Miga, Estefi, Sara, Jone, Peke, Laura, Raquel, Michelle, Nuria, Iris e Teresa.
