O primeiro equipo comezou esta mañá entre os campos 2 e 3 de Abegondo a preparar a visita ao Leganés, en partido da 24ª xornada de LaLiga Santander, previsto para este sábado 25 de febreiro ás 18:30 (Bein Sports).
Tivo traballo físico arreo, cun circuíto de forza, un exercicio de transicións ataque-defensa e partidos en espazo reducido, de alta intensidade.
O adestramento sobre o céspede finalizou cun traballo específico para os dianteiros.
Adestrouse todo o cadro salvo Davy Roef, que estivo co readaptador, Fran Molano.
Celso Borges, cunha escordadura no seu nocello dereito, retirouse antes que o resto dos seus compañeiros ao vestiario. Os Servizos Médicos agardarán á súa evolución nas próximas horas.
O fabrilista Óscar e os porteiros xuvenís Ramón e Francis exercitáronse hoxe co primeiro equipo.
Mañá mércores, o equipo está citado de novo en Abegondo ás 11:00 horas.
