O Deportivo incidiu no disparo a portería no adestramento vespertino de hoxe martes 20 de febreiro.
Así, mentres os atacantes realizaban un circuíto físico con finalizacións no campo 2, Clarence Seedorf ensaiaba aspectos defensivos con defensores e centrocampistas no campo 3.
Con todo o equipo reunido no campo 3, o traballo sobre o céspede concluíu cun partido con catro porterías.
Hoxe adestráronse co primeiro equipo o porteiro fabrilista Álex Cobo e o canteirán Ramón (cedido no Atlético Arteixo).
Traballaron á marxe Fede Valverde, Adrián López, Albentosa e Bakkali, este a consecuencia dunha sobrecarga nos adductores.
Mañá mércores, o cadro está citado de novo ás 17:00 horas en Abegondo.
Traballo técnico-táctico de Clarence Seedorf con 7 futbolistas
Clarence Seedorf citou a un grupo de futbolistas do primeiro cadro esta mañá ás 11:30 horas na Cidade Deportiva, para un adestramento técnico-táctico a porta pechada no campo 2, por espazo dunha hora de duración.
Os convocados polo técnico holandés foron os seguintes: Sidnei, Raúl Albentosa, Gerard Valentín, Emre Çolak, Juanfran e Eneko Bóveda. Ademais tamén estaba citado Sulley Muntari.
Pola tarde, ás 17:00 horas adestrarase todo o cadro.
