- Foto: @PlenaGalicia -
Trece institucións sociais gozaron da bancada solidaria de Riazor no Dépor-Atlético da 25ª xornada de LaLiga
Contra os madrileños, as entidades beneficiarias foron Proyecto Social de Fútbol Sala La Marola, CPI de Sanceda, Cáritas interparroquial Coruña, Centro de Menores Concepción Arenal, SCDR-Ánimas, Hogar de Sor Eusebia, Centro de Menores José Calasanz, Colectivo Moucho, ACCEM, Remar, Fundación Adcor, Aspace e FADEMGA plena inclusión Galicia.
A Bancada Solidaria de Riazor dispón de 250 localidades que cada partido son destinadas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade. Como neste caso, atendendo á política de transparencia e RSC do Deportivo, sempre se publican as entidades que fan uso da bancada solidaria. Hai que lembrar que, para solicitala, o protocolo está dispoñible no departamento de RSC do Club en: responsabilidadsocial@rcdeportivo.es ou no 981 259 500 (Extensión 1: Oficina de Atención al Deportivista).
