O Deportivo Abanca preparará en tres adestramentos a visita a Ponte dos Brozos (Arteixo) do PM Friol, o domingo 19 de marzo ás 12:00.
Para este encontro, pertencente á xornada 22 no Grupo 1 de Segunda División Nacional, os socios do Deportivo teñen libre acceso. Para o público, a entrada sénior custa 10 euros; e 3 euros para os menores de 16 anos.
O Deportivo Abanca é segundo na táboa con 50 puntos, a 5 puntos de distancia do líder, Oviedo Moderno, que suma 55 puntos.
A planificación de adestramentos semanal do cadro deportivista é a seguinte:
Martes 14 de marzo
20:30: Adestramento en Arteixo
Xoves 16 de marzo
20:30: Adestramento en Arteixo
Venres 17 de marzo
19:00: Adestramento en Abegondo
Sen Tere Abelleira nin Nuria Rábano ata o xoves
O Deportivo Abanca achega dúas xogadoras ás categorías inferiores da Selección Española: Tere Abelleira e Nuria Rábano. Ambas participarán nuns adestramentos na Ciudad del Fútbol de Las Rozas (Madrid) desde hoxe luns 13 ao mércores 15 de marzo.
Tere foi convocada pola Sub-17 e Nuria Rábano pola Sub-19. As dúas xogadoras adestraranse de novo co Deportivo Abanca o xoves 16 de marzo.
