Tres equipos de #ANOSACANTEIRA (Infantil A, Alevín A e Benxamín A) participan esta semana na 27ª edición do Torneo Internacional Ciudad de A Coruña, Trofeo Juan M. Iglesias Mato 'Palau'; competición que se desenvolve na Cidade Deportiva da Torre organizada polo Orillamar SD.
O primeiro en entrar en xogo será o Benxamín A, este mércores 27 de xuño. O conxunto deportivista quedou encadrado na Primeira Fase no grupo A, con estes rivais iniciais: Orillamar C, CD Calasanz e Galicia de Mugardos. Cada partido durará 25 minutos seguidos.
O calendario de competición do Benxamín A é o seguinte:
16:00: ORILLAMAR C - BENXAMÍN A (campo 1.1)
16:30: BENXAMÍN A - GALICIA DE MUGARDOS (campo 2.1)
17:30: BENXAMÍN A - CD CALASANZ (campo 1.2)
Os dous primeiros de grupo e os dous mellores terceiros equipos dos tres grupos accederán a cuartos de final, que arrancan xa ás 18:45 horas.
O xoves 28, a quenda será para o Alevín A, cuxos primeiros rivais, no grupo A, serán o Orillamar B, CD Calasanz e Silva SD. Cada partido durará 25 minutos seguidos.
O calendario de partidos do equipo branquiazul na Primeira Fase é o seguinte:
16:00: ORILLAMAR B - ALEVÍN A (campo 1.1)
16:30: ALEVÍN A - SILVA SD (campo 2.1)
17:30: ALEVÍN A - CD CALASANZ (campo 1.2)
Os dous primeiros de grupo e os dous mellores terceiros equipos dos tres grupos accederán a cuartos de final, que arrancan xa ás 18:45 horas.
Finalmente, o Infantil A xogará o venres 29. Neste caso, os seus partidos durarán 30 minutos salvo a final, con dous tempos de 25 minutos. Os seus primeiros rivais, no grupo A, serán o Orillamar A, o Bergantiños e o Juventude Pedras Salgadas.
O calendario da Primeira Fase do conxunto branquiazul é o seguinte:
15:30: ORILLAMAR A - INFANTIL A (campo 1)
17:45: BERGANTIÑOS - INFANTIL A (campo 3)
18:30: INFANTIL A - JUVENTUDE PEDRAS SALGADAS (campo 1)
Os dous primeiros de grupo acceden ás semifinais, que comezarán ás 19:15 horas.
