Tres futbolistas do Fabril (Quique Fornos, Víctor García e Montiel) entraron na lista de convocados de Natxo González para o partido desta noite (20:45 horas, Gol) en ABANCA-RIAZOR ante o Athletic Club, con motivo da LXXIII edición do Trofeo Teresa Herrera.
Quedaron fóra da convocatoria de maneira forzosa os lesionados Pedro Sánchez e Dubarbier; ademais de Carlos Fernández, concentrado coa Selección Española sub-21 en Logroño.
Esta mañá o equipo realizou unha sesión cun quecemento, rondos, un exercicio táctico e, para concluír ensaio de accións de estratexia (saques de esquina e faltas laterais) tanto ofensivas como defensivas.
Álex Bergantiños, Pablo Marí, Domingos Duarte, David Simón e Quique González, 5 dos futbolistas branquiazuis con máis minutos de xogo nas pernas nesta liga, completaron a mañá cun traballo físico baixo a supervisión do preparador físico Julio Hernando. Todos eles non entraron na convocatoria para o decano dos torneos amigables.
O cadro come nas instalacións de Abegondo e os convocados están citados no Estadio ABANCA-RIAZOR ás 19:00 horas.