O Deportivo ABANCA afronta a última semana de adestramentos do ano 2017 antes do merecido descanso do Nadal.
Sen competición até a primeira fin de semana de xaneiro, na que o conxunto deportivista recibirá ao Gijón FF en partido da 14ª xornada do grupo 1º de Segunda División Nacional, Manu Sánchez planificou tres sesións de adestramento esta semana, con este calendario:
Luns 18 de decembro
20:30: Adestramento en Abegondo
Martes 19 de decembro
20:00: Adestramento en Abegondo
Mércores 20 de decembro
20:00: Adestramento en Abegondo
O cadro do Deportivo ABANCA comeza as vacacións o xoves 21 e retomará os adestramentos o mércores 3 de xaneiro pola tarde.
O equipo branquiazul é líder do grupo con 37 puntos, con 4 puntos de diferenza sobre o Oviedo Moderno, que ten 33 puntos e un partido menos xogado.