Diego Tristán e Djalminha xa traballaron co grupo na a sesión vespertina celebrada en Abegondo. Está previsto que Albert Luque se incorpore ao grupo mañá mesmo.
Foron varios os futbolistas do Deportivo que tiveron que descansar esta mañá e que, por tanto, non se adestraron co resto na Cidade Deportiva de Abegondo "O Mundo do Fútbol". Concretamente Luque, Tristán, Djalminha, Pandiani e Pablo Amo traballaron á marxe do grupo. Deles, o doutor César Cobián aclarou que Djalminha sofre unha lixeira dor nas costas e Tristán "ten un golpe nun pé do pasado domingo. Esta mañá só fixo carreira e pola tarde esperemos que os dous xa estean co grupo".
Luque, nun salto durante o adestramento, fíxose unha contractura lumbar. "Todo o mundo seguro que a padeceu algunha vez. Quedas bloqueado nas costas. Estáselle tratando con antiinflamatorios e analxésicos para tratar de reducila. Imos ver como está mañá pero confiamos en que se poida recuperar para o domingo", manifestou César Cobián, quen tamén se referiu a Pablo Amo, do que espera que pronto volva aos adestramentos, "aínda que a zona que ten lesionada, o xemelgo, é unha zona que hai que tratar con precaución para evitar recaidas posteriores".
08/08/2005 13:09 |
Tristán: O partido é o que é, a última rolda para chegar á UEFA
Diego Tristán e Albert Luque tamén ofreceron esta mañá unha rolda de prensa en 'O Mundo do Fútbol'. O dianteiro sevillano dixo que o seu obxectivo é chegar á liga a pleno ritmo. Cre que a eliminatoria ante o Olympique de Marsella "hai que tomala como o que é, como unha rolda previa á Copa da UEFA".
11/06/2005 22:50 |
Hoxe en Depor Sport
A posta a piques de Diego
Diego Tristán ponse a punto. O dianteiro sevillano terminou o pasado xoves una das fases do proceso de recuperación que está a levar xunto ao readaptador físico do Deportivo, Carlos Lalín, na cidade de Cádiz. O futbolista andaluz goza agora duns días de descanso, ata que o vindeiro martes reincorpórese ao traballo, tamén xunto a Lalín, en Sevilla. Diego quere volver ser o de antes. A chegada do seu paisano Joaquín Caparrós ao banco deportivista parece devolverlle a ilusión a un xogador que pode ser a mellor 'fichaxe' do Depor para a próxima tempada. Aínda que, como aclarou Carlos Lalín a este xornal o pasado mércores, a total recuperación da súa lesión é o motivo principal do traballo, o ariete algabeño aproveita os adestramentos "para mellorar a súa condición física xeral".
02/06/2005 12:17 |
Diego Tristán apura a súa recuperación co readaptador físico Carlos Lalín e Lorenzo Buenaventura
Diego Tristán non ten vacacións. Aínda que o dianteiro internacional foise á súa terra, Andalucía, traballa estes días en sesións de mañá e tarde co especialista Lorenzo Buenaventura e co readaptador físico do Deportivo, Carlos Lalín.
