RCDeportivo RCDeportivo RCDeportivo
Skip to main content
GL

Tristán: O Club e a afección poden estar tranquilos, nunca lles fallei nin lles vou a fallar

Diego Tristán compareceu este mediodía ante os medios de comunicación para tranquilizar aos afeccionados tras os últimos rumores que saíron na prensa sobre a súa vida privada "teño moi claro que me dedico ao fútbol, ao meu Club e a afección e o Club poden

Diego asegurou "nunca falei da miña vida privada e non o vou a facer, eu sempre fun igual, o mesmo futbolista, o único que sempre reclamei é xogar e dispor de minutos" e engadiu "o que quero é saír e facer goles, o demais non me preocupa e estou aquí para falar de fútbol e do meu traballo".

Os medios interesáronse sobre o seu estado de forma "eu atópome ben pero a forma vala collendo cos partidos" e dixo "o que fala do que ocorre fóra do campo é porque non ten nada que obxectar ao que ocorre dentro do terreo de xogo" e mostrouse satisfeito cos dous goles marcados en Copa ante o Ferrol. A preguntas sobre o seu bo entendemento con Luque precisou "xa xoguei dous anos con el e é normal, pero nun equipo con tanta calidade adóitasche entender ben con calquera xogador, con Roy, con Djalma cando estaba, con Valerón....".
Para resolver calquera tipo de polémica Tristán asegurou ademais "co míster está todo falado e non hai ningún problema".