O Xuvenil B tropezou (1-0) na súa visita ao CD Conxo Santiago, en partido correspondente á 9ª xornada na Liga Nacional. Os santiagueses adiantáronse no marcador cun gol na recta final do encontro ao que o cadro branquiazul non puido responder.
Aínda que é o terceiro partido consecutivo sen coñecer a vitoria, o Xuvenil B levou unha gran alegría onte domingo posto que un dos seus atacantes, Álex Delgado, foi convocado por Borja Jiménez para adestrarse co primeiro equipo en ABANCA-RIAZOR, aproveitando a incomparecencia do Extremadura UD no partido de Primera RFEF.
Xuvenil B: Hugo Lemos, Álvaro, Gabri, Rubén, Nico, Carreira, Álex Delgado, Adrián Lombao, David Domínguez, Montero e Ogando. Tamén xogaron: Hugo, Pedro, David López, Marco Baña e Monteagudo.
Con este resultado, o conxunto deportivista é terceiro con 19 puntos, a 3 do RC Celta B e o Coruxo FC, líderes con 22.
Precisamente a próxima fin de semana, o Xuvenil B recibe en Abegondo ao Coruxo FC.
Os resultados do Xuvenil B en liga até a data son os seguintes:
Ural Español CF B 0 - Xuvenil B 1 (Álex Delgado)
Xuvenil B 8 (Kevin, Ogando -2-, Lombao, David López -3- e Carreira) - ED Val Miñor B 0
Porriño Industrial CF 1 - Xuvenil B 2 (Kevin -2-)
Xuvenil B 1 (Álvaro Mardones) - RC Celta B 0
Racing de Ferrol 1 - Xuvenil B 3 (Álex Delgado, David Domínguez e Carreira)
Xuvenil B 6 (Álex Delgado -2-, Ogando, Kevin, Nico e un futbolista rival en propia meta) - CD Lugo B 2
Bergantiños CF 1 - Xuvenil B 1 (Álex Delgado)
Xuvenil B 0 - CD Choco 1
CD Conxo Santiago 1 - Xuvenil B 0
