RCDeportivo RCDeportivo RCDeportivo
Skip to main content
GL
PORTADA

Tytoń e Schär únense á longa lista de internacionais deportivistas

A meta Tytoń e o central Schär uníronse hoxe á xa longa lista de internacionais do RC Deportivo.

Así, Tytoń foi citado para o Dinamarca - Polonia do venres 1 de setembro en Copenhague e o Polonia - Kazajistán do luns 4 en Varsovia. Ambos os choques son clasificatorios para o próximo Mundial.

Pola súa banda, Fabian Schär está na lista provisional de Suíza para o partido ante Andorra (xoves 31 de agosto ás 20:45 horas en St. Gallen) e ante Letonia (domingo 3 de setembro ás 21:45 horas en Riga).

Ambos os futbolistas terán que incorporarse ás súas respectivas concentracións o luns 28 de agosto, xusto despois do partido que o Dépor xogará no Ciutat de València ante o Levante, do sábado 26 ás 20:15 horas (Bein LaLiga).

Bakkali está preconvocado coa Selección Belga Sub-21

O RC Deportivo recibiu a preconvocatoria de Zakaria Bakkali para un partido oficial da Selección Belga Sub-21, o martes 5 de setembro (20:00 horas) fronte a Turquía. O encontro é clasificatorio para o Campionato de Europa da categoría do ano 2019.

En caso de ser finalmente convocado, o atacante deportivista terá que concentrarse o martes 29 de agosto en Bruxelas, xusto despois do partido que o Dépor xogará no Ciutat de València ante o Levante, do sábado 26 ás 20:15 horas (Bein LaLiga).

Emre Çolak, na antesala de Turquía

Emre Çolak foi preconvocado por Turquía para dous partidos oficiais, os dous clasificatorios para o Mundial de Rusia 2018.

Así, a selección turca visita a Ucraína o sábado 2 de setembro en Kharkiv e o martes 5 mídese a Croacia na cidade turca de Eskisehir.

O venres 25 de agosto a Federación Turca fará pública a lista definitiva. En caso de ser finalmente convocado, o centrocampista branquiazul terá que concentrarse o martes 28 de agosto co resto de internacionais.

Estados Unidos e México serán os rivais de Celso Borges

Celso Borges e a súa selección, Costa Rica, terá dous complicados rivais este mes de setembro na carreira cara ao Mundial de Rusia 2018.

Asi, o venres 1, a selección costarriqueña visita a Estados Unidos, en choque que se disputará no Estadio Red Bull Area de Harrison (New Jersey, 18:55, hora local).

O martes 5, Borges enfróntase a México (Estadio Nacional de San José, 20:05 hora local), un dos favoritos para clasificarse para a cita mundialista.

O mediocentro deportivista viaxará ao seu país para iniciar a concentración de preparación o domingo 27 de agosto, xusto despois do partido que o Dépor xogará no Ciutat de València ante o Levante, do sábado 26 ás 20:15 horas (Bein LaLiga).

Florín Andone medirase con Romanía a Armenia e Montenegro

A Federación Romanesa de Fútbol comunicou ao RC Deportivo a convocatoria de Florin Andone para dous partidos oficiais o próximo mes, clasificatorios para o Campionato do Mundo de Rusia 2018.

Así, o venres 1 de setembro, Romanía mídese a Armenia na capital Bucarest e o luns 4, o combinado romanés visita a Montenegro nun choque que se xoga en Podgorica.

Andone terá que incorporarse á concentración o domingo 27 de agosto, do mesmo xeito que Celso Borges.

Uruguai convoca a Fede Valverde para dous partidos de clasificación para o Mundial

A Federación Uruguaia de Fútbol convocou a Fede Valverde para os próximos encontros de clasificación para o Mundial de Rusia 2018, nos que o combinado celeste deberá enfrontarse a Arxentina e Paraguai, a finais de agosto e comezos de setembro.

É a primeira citación na selección absoluta para o centrocampista branquiazul, que o pasado mes de xuño foi elixido Balón de Prata da Copa do Mundo Sub-20, na que Uruguai alcanzou as semifinais.

A selección de Uruguai deberá enfrontarse a Arxentina en Montevideo o 31 de agosto (20:00 hora local) e render visita a Paraguai o 5 de setembro (20:00 hora local).

O combinado celeste ocupa agora mesmo a terceira praza da fase de clasificación de Sudamérica. O catro primeiros clasificados obterán o billete para Rusia e o quinto deberá xogar unha eliminatoria contra o campión de Oceanía cuxo vencedor tamén estará no Mundial.