O Deportivo Abanca, xa matematicamente subcampión do Grupo 1º da Segunda División Nacional, afronta a última xornada ligueira coa visita a Arteixo do FPVR El Olivo, deste domingo 30 de abril ás 12:00 horas.
Para este encontro, no que o equipo vigués si se xoga a permanencia na categoría, os socios do Deportivo teñen libre acceso ao partido. Para o público, a entrada sénior costa 10 euros; e 3 euros para os menores de 16 anos.
Manu Sánchez planificou tres adestramentos, con este calendario:
Martes 25 de abril
20:30: Adestramento en Ponte dos Brozos (Arteixo)
Mércores 26 de abril
20:30: Adestramento en Abegondo
Venres 28 de abril
19:00: Adestramento en Abegondo
Tere Abelleira, concentrada coa Selección Española Sub- 17, será baixa para o domingo
Tere Abelleira, capitá do Deportivo Abanca, está xa concentrada coa Selección Española Sub-17 na Ciudad del Fútbol de Las Rozas (Madrid), para participar na Fase Final do Campionato de Europa da categoría. O equipo nacional español viaxará o martes 30 de abril á República Checa, escenario do torneo.
España quedou emparellada no grupo A, con Francia, Alemaña e a República Checa.
O calendario é o seguinte:
Martes 2 de maio
16:00: ESPAÑA - ALEMAÑA (no Estadio Prestice, en Prestice)
Venres 5 de maio
11:00: REPÚBLICA CHECA - ESPAÑA (no Estadio Domazlice, en Domazlice)
Luns 8 de maio
14:00: FRANCIA - ESPAÑA (no Estadio Prestice, en Prestice)
Os dous primeiros de grupo pasan a semifinais, que se xogarán o 11 de maio.