O xoves 26 ás 12:00 horas conclúe o prazo de inscrición para a sexta e última semana dos DéporCampus Cabreiroá 2018 que se celebrará do 30 de xullo ao 3 de agosto na Cidade Deportiva de Abegondo.
Podes atopar toda a información dos DéporCampus Cabreiroá e completar o proceso de inscrición en deporcampus.rcdeportivo.es
Os DéporCampus Cabreiroá creceron de forma exponencial desde a chegada do actual consello de administración do RC Deportivo. Dun campus cunha única sede e menos dun centenar de nenos e nenas en 2013 pasáronse ás actuais 15 localizacións. Este verán estréanse 6 sedes: Ourense, Cuntis, Dumbría, Boiro, Camargo (Cantabria) e Plasencia (Cáceres), que se suman ás xa existentes en Abegondo, Viveiro, Bertamiráns, Caranza, Monforte, As Pontes, Ordes, Zas e Xenebra (Suíza).
