Os I DéporCampus Cabreiroá Indoor, que terán lugar do martes 26 e ao sábado 30 de decembro e que están dirixidos a nenos e nenas de entre 6 e 12 anos, están a piques de completar a dispoñibilidade de prazas nun das súas quendas. Concretamente o que se desenvolverá na sede de Fútbol Indoor Coruña (de 10:00 a 14:00 horas). Tamén continua aberta a inscrición con dispoñibilidade de prazas en PadelPlus (de 10:00 a 14:00 horas). En ambas as sedes, o transporte está incluído.
O RC Deportivo pon en marcha os DéporCampus Cabreiroá Indoor, que terán lugar por primeira vez na semana entre Nadal e Fin de Ano, nas instalacións de Fútbol Indoor Coruña (A Grela) e PadelPlus (Alvedro).
Esta nova actividade conta con prazas limitadas, un total de 90, distribuídas en 45 por cada un das sedes, e límite de inscrición o 21 de decembro ou ao esgotar prazas.
Como en todos os DéporCampus, os inscritos contarán con transporte gratuíto, seguro de accidentes deportivo, un equipamento (camiseta, pantalón e medias) por alumno, un xantar diario (auga e froita) e o diploma acreditativo da participación. Ademais, participarán nun sorteo de agasallos.
Os DéporCampus Cabreiroá Indoor teñen como principal obxectivo o perfeccionamento dos fundamentos técnicos dos xogadores: a condución, o control, o pase, o caneo e o golpeo de balón, nunhas condicións de adestramento e unhas instalacións propicias para a mellora individual do xogador, supervisados por técnicos da canteira do Real Club Deportivo.
Máis información (prezos, descontos, formas de pago, paradas de bus...) e incripciones aquí.
