Últimos días para inscribirse na primeira quenda do DéporCampus Cabreiroá de Abegondo
Arranca a última semana de inscricións para a primeira quenda do DéporCampus Cabreiroá de Abegondo, que se iniciará o vindeiro luns 25 de xuño.
As inscricións para esta primeira quenda pecharanse o xoves 21 de xuño ao mediodía. Nesta ligazón podes cubrir o formulario para participar en calquera dos DéporCampus Cabreiroá 2018, que este ano contan cun total de 14 sedes.
Os DéporCampus Cabreiroá de Abegondo terán este ano seis quendas que, a día de hoxe, xa contan cun total de 550 inscritos.
Ademais, os DéporCampus Cabreiroá 2018 chegaron a un acordo con Acofaderm, que en colaboración coa Farmacia Labañou, protexerá da radiación solar a todos os participantes con crema específica para a práctica do deporte ao aire libre.