As futbolistas branquiazuis chegan ao encontro tras realizar unha gran pretemporada, na que conquistaron o Trofeo Teresa Herrera en Riazor e a primeira edición de Cópaa Deputación da Coruña. Gañaron todos os seus partidos e tan só empataron un.
Manu Sánchez, técnico deportivista, citou para este primeiro partido ligueiro a estas xogadoras: Anita, Faragulla, Tere, Raquel, Gere, Miriam, María Curral, Estefi, Lea, Nuria, Malena, Ari, Patri, Tami, Cris e Noe.
Está lesionada Elvira, con molestias musculares na parte posterior dunha coxa, pendente de probas médicas a próxima semana; ademais de Perdi e Ameneiros.
Os socios deportivistas teñen libre acceso ao recinto arteixán de Ponche dous Brozos. Para o público, a entrada custa 10 euros; e 3 euros para os menores de 16 anos.
