O CD Monte, que converteu en gol practicamente todas as ocasións das que dispuxo, freou ao Deportivo ABANCA (2-2), en partido da 8ª xornada no grupo 1º da Segunda División Nacional.
As deportivistas levaron o dominio do xogo, pero faltou acerto nos metros finais para liquidar o encontro. Miriam e Peke foron as autoras dos goles branquiazuis.
Con este resultado, o Deportivo ABANCA suma 22 puntos e continúa na pelexa co Oviedo Moderno CF polo liderado do grupo.
Deportivo ABANCA: Malena, Miriam, Silva Mérida, Patri, Cris, Iris, Kika, Oreiro, Nuria, Gaby e Peke. Tamén xogaron: Teresa Abelleira, Lía e Estefi.
A próxima fin de semana, o Deportivo ABANCA recibe en Ponte dos Brozos (Arteixo) ao UD Llanera.
Os resultados do Deportivo ABANCA en liga son os seguintes:
Gijón FF 0 - Deportivo ABANCA 7 (Teresa Abelleira -3-, Kika -2-, Sara e Peke) Deportivo ABANCA 6 (Gaby -2-, Lía, Peke, Teresa Abelleira e Miriam) - Atlántida de Matamá 1 Deportivo ABANCA 9 (Estefi -2-, Kika, Miriam, Gaby, Peke e Jone -3-) - CD Femiastur 1 Victoria FC 0 - Deportivo ABANCA 4 (Raquel, Sara e Peke -2-) Deportivo ABANCA 7 (Gaby -3-, Lía, Iris, Sara e Peke) - Sárdoma 0 CDE Racing Féminas 1 - Deportivo ABANCA 2 (Peke -2-) Deportivo ABANCA 13 (Gaby -2-, Estefi -7-, Jone -2-, Peke e unha futbolista rival en propia meta) - CF Vimenor 0 CD Monte 2 - Deportivo ABANCA 2 (Miriam e Peke)