RCDeportivo RCDeportivo RCDeportivo
Skip to main content
GL
ACTUALIDADE

Un equipo benxamín representa ao Dépor na 21ª edición do Torneo Cidade de Pontevedra

Un equipo benxamín representa ao RC Deportivo na 21ª edición do Torneo Cidade de Pontevedra, competición organizada polo EF Porteiro 2000 no complexo da Xunqueira durante a fin de semana.

O conxunto deportivista ten como primeiros rivais ao Cristo de la Victoria SD, Bertamiráns FC e Sporting de Gijón.

O calendario do equipo branquiazul é o seguinte:

Sábado 15 de xuño
Primeira Fase
11:30: DEPORTIVO - SPORTING DE GIJÓN (campo 2)
13:30: DEPORTIVO - BERTAMIRÁNS FC (campo 1)
17:30: DEPORTIVO - CRISTO DE LA VICTORIA SD (campo 2)

Os tres primeiros de grupo pasan ao playoff polo título, que arrancan ás 18:30 do mesmo sábado; mentres que o cuarto clasificado xogará o domingo unha Fase de Consolación, a partir das 9:30 horas.

O Alevín B, á Meyrin Cup 2019

O Alevín B participa esta fin de semana en Xenebra (Suíza) na Meyrin Cup 2019.

O conxunto deportivista quedou encadrado no grupo A, co Servette FC, Meyrin FC, Xamax 1912, Beaumont Collonges e Donzelle FC.

O calendario do Alevín B, con todos os seus partidos en Lory, é o seguinte:

Primeira Fase

Sábado 15 de xuño
9:00: ALEVÍN B - SERVETTE FC (no campo de Lory)
10:20: ALEVÍN B - DONZELLE FC (no campo de Kito)
11:00: XAMAX 1912 - ALEVÍN B (no campo de Ramada Encore)
12:00: ALEVÍN B - BEAUMONT COLLONGES (no campo de Oschner Sport)
15:00: ALEVÍN B - MEYRIN FC (no campo de Lory)

Os tres primeiros de grupo pasan á Fase Final e o resto xogará unha Fase de Consolación, todo iso a partir das 16:00.

A Copa Ribadumia, interesante test para o Benxamín A

O Benxamín A afronta un interesante test coa 1ª edición da Copa Ribadumia Clae Viajes, que se xoga no campo da Senra.

O conxunto deportivista terá como primeiros rivais ao Outes FC, AD Alhóndiga, Club Polideportivo Lucense, Celta Brașov e o CD Talento, Actitud y Esfuerzo.

O calendario de partidos da Primeira Fase é o seguinte:

Sábado 15 de xuño
10:45: BENXAMÍN A - OUTES FC (campo 2 natural)
16:00: BENXAMÍN A - AD ALHÓNDIGA (campo 1 sintético)
18:05: BENXAMÍN A - CP LUCENSE (campo 1 sintético)
21:00: BENXAMÍN A - CELTA BRASOV (campo 1 natural)

Domingo 16 de xuño
9:00: BENXAMÍN A - CD TALENTO, ACTITUD Y ESFUERZO (campo 1 sintético)

Os dous primeiros de grupo pasan a oitavos de final, que comezan ás 10:30; e o 3º disputará unha Fase de Consolación, a partir das 11:35 horas.

O Benxamín B compite no Trofeo Concello de Boiro

O Benxamín B, do mesmo xeito que o Alevín A, representará ao Dépor na 13ª edición do Trofeo Concello de Boiro, que se celebra nesta ocasión en categoría benjamín o sábado 15 de xuño.

O conxunto deportivista quedou encadrado na Primeira Fase no grupo B, co Salgueiriños CF, EF Lalín e o Caldas CF.

O calendario de partidos é o seguinte:

Primeira Fase
10:30: BENXAMÍN B - EF LALÍN (campo 1B)
12:20: SALGUEIRIÑOS CF - BENXAMÍN B (campo 1A)
15:15: BENXAMÍN B - CALDAS CF (campo 2A)

Os dous primeiros de grupo pasan a oitavos de final, que comezan ás 17:35 horas.

Dobre cita para o Alevín A: o martes 11 en Abegondo e o domingo 16 en Boiro

O Alevín A ten dobre cita esta semana. En primeiro lugar, o pasado martes 11 de xuño o equipo deportivista disputou un amigable en Abegondo ante o conxunto do AFA Angola. O resultado favoreceu aos africanos (4-5), despois dun entretido encontro. Jacobo, Rubén, David e Íker foron os goleadores branquiazuis.

E o domingo 16, o Alevín A compite na 13ª edición do Trofeo Concello de Boiro, que se celebra no campo de fútbol de Vista Alegre.

O conxunto que dirixe Roberto Veres quedou encadrado no grupo A, co Sálvora CF, Cristo de la Victoria SD e o Amio SD B.

O calendario inicial é o seguinte:

Primeira Fase
10:30: ALEVÍN A - CRISTO DE LA VICTORIA SD (campo 1A)
12:20: ALEVÍN A - AMIO SD B (campo 2A)
15:15: SÁLVORA CF - ALEVÍN A (campo 1B)

Os dous primeiros de grupo pasan a oitavos de final, que comezan ás 17:35 horas.