O Fabril caeu (1-2) en Abegondo ante o CD Arenteiro de Segunda RFEF no seu segundo exame de pretemporada.
Do mesmo xeito que o pasado mércores ante o Silva SD, Óscar Gilsanz encarou o choque con numerosas baixas, esta vez Brais Val, Jairo, Ángel Puerto, Yeremay, Mella, Tim Caroutas e Marcel, citados polo primeiro equipo para o partido en Viveiro ante o Real Madrid Castilla; e de Davo e Martín Ochoa, lesionados.
O técnico deportivista aliñou un once distinto en cada tempo e Nájera foi o autor do único tanto fabrilista ante un rival de superior categoría.
Primeiro tempo: Brais Suárez, Quique Teijo, Iano Simão, Fito, Dani Barcia, Rubén, Jesús Ares, Iñaki, Iván, Diego Gómez e Padín.
Segundo tempo: Hugo Ríos, Currás, Seydiba, Álex, Manu Berrocal, Barba, Fabio, Garaboa, Nájera, Iván e Hugo Baldomar.
A próxima cita de pretemporada será o mércores ás 19.00 en Abegondo ante o UD Somozas.
Os resultados de pretemporada son os seguintes:
Fabril 2 (Padín e Iván) - Silva SD 0
Fabril 1 (Nájera) - CD Arenteiro 2
